Benvido/a á nosa escola de música tradicional, un espazo ubicado na cidade de Lugo dende o 2008 dedicado a preservar e transmitir o rico patrimonio cultural de Galicia a través da música e o baile tradicionais.
Ofrecemos clases para todas as idades e niveis, a partir dos 4 anos, impartidas por mestres expertos que transmiten as súas ensinanzas dirixidas a todas e todos aqueles que queiran achegarse á música e baile tradicional, independentemente da súa formación previa.
- Acordeón/ Acordeón diatónico
- Baile tradicional
- Canto e pandeireta
- Gaita
- Pandeira
- Pandeiro
- Percusión tradicional
- Requinta
- Zanfona
- Linguaxe musical
- Aulas infantís
- Aulas de conxunto
Contamos con varias aulas onde ofrecemos unha ampla e coidada selección de materias relacionadas coa música e co baile tradicional galego, en grupos reducidos e con posibilidade de aulas individuais.
¿Tes algunha dúbida? Estaremos encantadas de axudarche no teléfono 982 229 966 ou no correo tradescola@gaiteirosgalegos.gal